SportiSot - Sport Shqip... Lajmet E Fundit Nga Sporti...

Ferguson: City ma zbukuroi mbrmjen

2012-02-01T18:16:00.001+01:00

Bosi i Manchester United, Sir Alex Ferguson, thotë se fitorja ndaj Stoke Cityt ishte tejet e rëndësishme në luftën për titull në Ligën Premier, për shkak se Djajtë tani kanë pikë të barabarta me liderin tjetër, Manchester Cityn.
“Ishte mbrëmje e mirë për ne. Por, ajo që më pëlqeu më shumë ishte performanca jonë. Mendoj se futbolli ynë ishte tmerrues. Ne kemi mbajtur rendin në fushë dhe ishim mjaft të durueshëm. Në rregull, ne fituam me dy penalti, por mendoj se mënyra si luajtëm ishte gjëja më e rëndësishme”.

“Është ende herët për të përcaktuar fituesin e titullit. Është vetëm fillimi i shkurtit. Unë gjithmonë them se marsi është muaj shumë i rëndësishëm, ashtu sikurse fillimi i prillit. Ne luajmë ndaj Manchester Cityt në prill sa për informatë”, ka deklaruar Fergie.

1000 minuta pa gol, por Villas Boas beson te Torres

2012-02-01T18:15:00.002+01:00

Menaxheri i Chelseat, Andres Villas Boas, ka këmbëngulur se ai ka besim te sulmuesi katastrofik, Fernando Torres, edhe pse ai ka plot 1000 minuta pa realizuar.
Spanjolli ka arritur në ndeshjen e 17-të dhe në minutën e 1 mijtë pa realizuar gol, që është ecuria më e keqe në karrierën e tij, ndërsa është tekniku portugez ai që ka besim në blerjen e tij 50 milionëshe.

“Është normale, ai ende po adaptohet. Besimi ekziston dhe ne besojmë shumë në lojtarin, ai i ka ndihmuar ekipit me asistimet dhe pasimet, ndërsa në këtë situatë ai duhet të vazhdojë të tentojë dhe ndoshta ne do të krijojmë mundësitë për të që ai të shkëlqejë. Nëse ne duhet të krijojmë më shumë mundësi që ai të shënojë, atëherë kjo është ajo që do të bëjmë”, ka thënë Villas Boas.

Wenger: Van Persie, lojtar i klasit botëror

2012-02-01T18:13:00.001+01:00

Menaxheri i Arsenalit, Arsene Wenger, e sheh kapitenin Robin van Persie si një lojtar të klasit botëror.
Van Persie tash është në listën e 10 lojtarëve që kanë shënuar më së shumti për klubin londinez, dhe Wenger thotë se kapiteni, i cili ka qenë shpesh i lënduar gjatë karrierës së tij me Topçinjtë, është një pjesë e vërtetë e elitës së këtij sporti.

“Ajo çfarë është e mahnitshme është se ju shikoni në numrin e ndeshjeve që Robin ka luajtur dhe numrin e golave që ka shënuar dhe kjo e bën atë absolutisht të klasit, top-klasit”.

“Ju keni klas kombëtar, klas ndërkombëtar dhe klas botëror, dhe Robin është i klasit botëror”, ka thënë Wenger.

Chelsea ka humbur 30 milionë me angazhimin e Villas-Boas

2012-02-01T18:12:00.001+01:00

Chelsea ka humbur plot 30 milionë funte si pasojë e ndërrimit të menaxherëve gjatë sezonit të kaluar.
Telegraph-i britanik shkruan se vendimi për të zëvendësuar Carlo Ancelottin me Andre Villas-Boas do të rezultojë me 30 milionë të humbura për Chelsean, kur të zbulohen llogaritë vjetore gjatë kësaj jave.

Po thuajse gjysma e humbjes së tyre prej 67.7 milionë funte ishte rezultat i drejtpërdrejtë i pagesave për Porton, Ancelottin dhe pjesën tjetër të stafit që është larguar pas caktimit të Villas-Boas.

Van Basten dëshiron angazhim në Ligën Premier

2012-02-01T18:11:00.001+01:00

Ish-trajneri i kombëtares holandeze dhe i Ajaxit, Marco van Basten, dëshiron të punojë në Ligën Premier.
Van Basten ka qenë i paangazhuar për tashmë dy vite, por dëshiron t’i rikthehet punës dhe preferon të punojë në kampionatin anglez.

“Nuk do ta mbaj sekret faktin se një prej ambicieve të mia është të punoj një ditë në Ligën Premier. Ndoshta kjo ditë do të vijë së shpejti. Kush e di?”, ka thënë Van Basten në një intervistë të fundit.

Ranieri: Duam Ligën e Kampionëve

2012-02-01T18:10:00.004+01:00

Trajneri i Interit, Claudio Ranieri, ka thënë se qëllimi i Nerazzurrëve këtë sezon është të arrijnë një vend që dërgon në Ligën e Kampionëve.
“Nuk është se unë ushqej ambiciet për titull, pastaj t’i largoj ato, pastaj t’i kthej sërish. Ne shkojmë hap pas hapi, pasi skuadrat e kreut vërtet po fluturojnë”.

“Andaj nëse ata nuk ndalojnë, atëherë ne nuk do t’ia dalim. Ne po kërkojmë një vend që dërgon në Ligën e Kampionëve”, ka thënë Ranieri për faqen zyrtare të klubit.

Interi aktualisht qëndron në pozitën e pestë të tabelës me nëntë pikë prapa Juventusit dhe është duke u përgatitur për ndeshjen e sotme të Serie A që e zhvillon si nikoqir i Palermos.

Moyes: Fitorja ndaj Cityt ndër më të mirat

2012-02-01T18:10:00.002+01:00

Menaxheri i Evertonit, David Moyes, e vlerëson fitoren e tij ndaj Manchester Cityt si njërën prej më të mirave në karrierën e tij.
Goli i parë për Evertonin i ish-lojtarit të Manchester United, Darron Gibson, u tregua vendimtar për tre pikët e skuadrës vendase.

“Kjo mbase është një prej më të mirave. Është mirë pasi ishte në Goodison Park dhe për shkak të lojtarëve që na mungon dhe skuadrës të cilën e kishim përballë”.

“Andaj kjo do të thotë shumë për klubin dhe se si ne kemi arritur të rikthehemi dhe ta bëjmë këtë – lojtarët bënë një punë të shkëlqyeshme sonte”, ka thënë Moyes.

Shtyhen edhe dy ndeshje në Serie A

2012-02-01T18:09:00.002+01:00

Pas ndeshjes së mbrëmshme në mes të Juventusit dhe Parmës, edhe dy ndeshje të tjera të Serie A janë anuluar sot po për shkak të motit të keq që ka pushtuar gadishullin.
“Ndeshja në mes të Bolognas dhe Fiorentinas, e cila do duhej të zhvillohej sot, e mërkurë 2 shkurt, është shtyrë për shkak të motit të keq”, shkruan në faqen zyrtare të Bolognas.

Një ndeshje tjetër e cila nuk do të zhvillohet sipas orarit të paraparë është udhëtimi i Catanias te Siena, me nikoqirët që thanë se shqetësimet rreth sigurisë kanë çuar në këtë vendim.

Përndryshe, ndeshjet tjera, si ajo në mes të Atalantas dhe Genoas, udhëtimi i Cesenas te Napoli, përballja në mes të Udineses dhe Lecce, ajo në mes të Lazios dhe Milanit dhe udhëtimi i Palermos te Inter, mbeten të paprekura.

Emery kërkon fitore ndaj Barcës

2012-02-01T18:08:00.001+01:00

Trajneri i Valencias, Unai Emery, kërkon fitore në ndeshjen e sotme kundër Barcelonës në Mestalla, e para sfidë gjysmëfinale e Kupës së Mbretit.
“Qëllimi jonë kryesor është ta fitojmë ndeshjen, por kjo nuk do të mjaftojë. Ne duhet ta mbajmë portën e pastër dhe preferojmë të fitojmë me më shumë se një gol. Për më tepër, është e rëndësishme për ne ta përfundojmë ndeshjen me 11 lojtarë”.

“Ne jemi të vetëdijshëm për fuqinë e Barcelonës, pavarësisht mungesave. Atyre u mungojnë disa lojtarë të rëndësishëm, por ata kanë alternativa të shkëlqyeshme. Barcelona gjithmonë është një skuadër shumë e rrezikshme”, ka deklaruar Enmery.

Ndeshja e sotme e Kupës së Mbretit fillon në ora 21, derisa ndeshja e kthimit zhvillohet në Camp Nou më 8 shkurt.

Ribery dëshiron finalen e Ligës së Kampionëve

2012-02-01T18:07:00.001+01:00

Ylli i Bayern Munich, Franck Ribery, ka zbuluar se ëndrra e tij është të arrijë finalen e Ligës së Kampionëve gjatë këtij viti.
Bavarezët shkëlqyen në fazën e grupeve të garës evropiane duke kryesuar grupin A para Manchester Cityt, Napolit dhe Villarrealit, dhe Ribery shpreson se ata do të arrijnë deri në ndeshjen e fundit.

“Arritja e finales së Ligës së Kampionëve është një prej caqeve më të mëdha të mia, dhe do të ishte po ashtu një realizim ëndrre”.

“Shpresoj se ne mund t’ia dalim, por është jashtëzakonisht vështirë. Së pari ne duhet të fitojmë sfidën e ardhshme kundër Basel, dhe pastaj do të shohim çfarë do të ndodhë”, ka thënë francezi.

Lakers shkatërrojnë Bobcats

2012-02-01T12:21:00.002+01:00

Kobe Bryant ka shkëlqyer në pjesën e parë të ndeshjes, derisa Los Angeles Lakers kanë pasur një punë të lehtë ndaj Charlotte Bobcats duke fituar me rezultat 106-73.
Bryant, shënuesi më i mirë i NBA-së, shënoi 18 pikë në çerekun e parë dhe shënoi pikët më të larta të ndeshjes (24) në pjesën e parë kur Lakers krijuan një avantazh të madh ndaj ekipit më të keq në NBA, Bobcats (tre fitore dhe 19 humbje).

Pas punës së kryer, Bryant qëndroi i ulur gjatë çerekut të katërt. Andrew Bynum shënoi 20 pikë dhe 11 kërcime për Lakers, që shënuan fitoren e 13-të të sezonit (9 humbje).

Redknapp i kënaqur me transferimin e Saha

2012-02-01T12:18:00.001+01:00

Tottenham ka kompletuar transferimin e sulmuesit të Evertonit, Louis Saha, pas një marrëveshje të arritur në ditën e fundit të afatit kalimtar dimëror.
Saha arrin në White Hart Lane si zëvendësim për Roman Pavlyuchenko i cili është lejuar të largohet drejt Lokomotiv Moskës.

“Është një marrëveshje e përhershme, e dini nuk është një kontratë e gjatë, por më pëlqen Louis Saha, gjithmonë e kam vlerësuar atë shumë”.

“Mendoj se ai është një lojtar fantastik, bën lëvizje të mira, mund të shënojë gola dhe mendoj se ai ka nevojë për një ndryshim”.

“Ai ia ka dalë shumë mirë te Everton, por ai do të jetë pa kontratë në fund të vitit, andaj David e lejoi atë të largohet”, ka thënë Redknapp.

Villas-Boas: Goli erdhi shumë vonë

2012-02-01T12:16:00.001+01:00

Trajneri i Chelseat, Andre Villas-Boas, beson se barazimi 1-1 ndaj Swansea ishte rezultat i një ndeshje me dy pjesë të ndryshme.
“Mendoj se kishte dy gjysma të ndryshme në ndeshje. Në pjesën e parë, Swansea kishte shumicën e rasteve dhe ishte krejtësisht ndryshe në pjesën e dytë kur ne kishim të gjitha shanset”.

“Mendoj se nëse goli i parë do të vinte më herët, ne do të kishim gjetur të dytin, pasi ne kishim motivimin, shtytjen dhe kontrollin ndeshjes. Ne e lamë këtë shumë, shumë vonë”.

“Ne ngulmuam shumë për ta gjetur golin, por ai erdhi vonë dhe nuk na lejoi neve mjaft kohë për të shënuar të dytin”, ka thënë p portugezi pas takimit të mbrëmshëm.

Mancini: Unë jam fajtor

2012-02-01T12:14:00.004+01:00

Menaxheri i Manchester Cityt, Roberto Mancini, thotë se ai është fajtori për disfatën e mbrëmshme nga Evertoni.
“Nuk isha përgatitur mirë për këtë ndeshje. Mendova se do të ishte më e lehtë. E di se këtu kurrë nuk është e lehtë, kurrë”.

“I kam vërejtur gabimet e mia. Është e rëndësishme për mua ta kuptoj këtë pasi nuk mund të lejoj të njëjtat gatime në ndeshjen e ardhshme”, ka thënë Mancini.

Redknapp i ngazëllyer me fitoren ndaj Wiganit

2012-02-01T12:14:00.002+01:00

Menaxheri i Tottenhamit, Harry Redknapp, ishte i ngazëllyer me fitoren e mbrëmshme ndaj Wigan Athletic.
Londinezët shënuan fitore falë dy golave të Gareth Bale dhe një goli të Luka Modric, për t’iu afruar në pesë pikë kreut të tabelës, që ndahet nga dy skuadrat e Manchesterit, City dhe United.

“Jam i kënaqur. Ne jemi rikthyer sërish. Vazhdoj të shikoj të diferencën në mes nesh. Ne jemi 13 pikë para Arsenalit tash – është një avantazh i këndshëm”, ka thënë Redknapp

Tare i zhgënjyer me Cisse

2012-02-01T12:12:00.002+01:00

Drejtori sportiv i Lazios, Igli Tare, është i pakënaqur me Djibril Cisse pas kalimit të tij te QPR, pas një gjysmë-sezoni në kryeqytetin italian.
“Jam i zhgënjyer nga Cisse. Ne po ashtu kemi biseduar në fillim të sezonit dhe i diskutuam vështirësitë në futbollin italian. Një prej arsyeve se pse ai dëshironte të largohet ishte fakti se ai mund të gjente hapësirë diku tjetër, të cilën nuk e gjen në Itali”.

“Megjithatë, ai ka dëshmuar të jetë një lojtar i madh, pasi edhe pse nuk ka shënuar, ai ka bërë tetë asistime. Ishte një vendim i mbështetur nga të gjitha palët, por ishte kërkesa e tij për t’u larguar”, ka thënë Tare.

Ferguson: Ishte nata jonë

2012-02-01T12:11:00.002+01:00

Menaxheri i Manchester United, Sir Alex Ferguson, thotë se fitorja e mbrëmshme ndaj Stoke Cityt ishte një fitore e rëndësishme në garën për titull.
Derisa Manchester City humbi 1-0 ndaj Evertonit, United mposhti Stoke me rezultat 2-0 në Old Trafford për t’u barazuar me blutë në maje të tabelës, secili me nga 54 pikë.

“Ishte një natë e mirë për ne, sigurisht. Por ajo me të cilën jam më së shumti i kënaqur ishte performanca jonë. Mendoj se futbolli ynë ishte i tmerrshëm. Ne ruajtëm kompozimin, ne ishim shumë të qetë. Ok, ne fituam me dy penalti, por mendoj se mënyra me të cilën luajtëm ishte më e rëndësishme”, ka thënë Alex.

Iaquinta i kënaqur me kalimin te Cesena

2012-02-01T12:10:00.002+01:00

Ish-sulmuesi i Juventusit, Vincenzo Iaquinta, është i kënaqur me transferimin e tij te Cesena.
“Është një vend ideal për mua për të rilansuar karrierën time. Jam i kënaqur dhe dua të tregohem diçka e rëndësishme. Mezi pres të filloj”, ka thënë Iaquinta për Tuttomercatoweb.

Ish-lojtari i Udineses nuk është paraqitur aspak për Juventusin këtë sezon dhe tash do të jetë partner i Adrian Mutu në sulmin e Cesenas.

Veseli nënshkruan për United

2012-02-01T12:08:00.001+01:00

Manchester Unitedi ka kompletuar transferimin e Frederic Veselit nga rivali Manchester City.
19-vjeçari me pasaportë zvicerane kalon në Old Trafford, pasi nuk arriti ta sistemojë veten në ekipin e parë të Roberto Mancinit.

“Jam shumë i lumtur dhe është një nder të nënshkruaj për Manchester Unitedin”.

“Mezi pres të filloj, të angazhohem shumë dhe të bëj gjithçka për t’i ndihmuar skuadrës”.

“Po planifikoj t’u tregoj të gjithëve se çfarë mund të bëj në fushë”, ka thënë lojtari me prejardhje shqiptare për faqen zyrtare të Djajve të Kuq.

United arrin Cityn

2012-01-31T23:02:00.003+01:00

Manchester Unitedi ka shënuar fitore komode prej 2-0 kundër Stoke Cityt për t’u barazuar me pikë në krye të tabelës me rivalin lokal Manchester City.Të dy golat e Djajve të Kuq u shënuan nga pika e bardhë. Njërin e realizoi Javier Hernandez (38’), ndërsa tjetrin Dimitar Berbatov (53’).
Ndërkohë, lideri i tabelës, Manchester City, është mposhtur me rezultat minimal si mysafir i Evertonit.
Darron Gibson shënoi golin me vlerë tre pikë, ndërsa kjo i kushtoi Cityt, pasi Manchester Unitedi tash ka pikë të barabarta me ekipin nga Etihad Stadium.
Ekipi i tretë të Ligën Premier, Tottenhami e ka mposhtur Wigan Athleticun me rezultat 3-1.
Dy herë Bale (29’ dhe 64’) dhe një herë Modric (34’) shënuan për Spursat, kundrejt golit të McArthur, i cili shënoi për mysafirët (81’).

Shpëton Chelsea, fiton Liverpooli

2012-01-31T23:01:00.001+01:00

Blutë vazhdojnë të përjetojnë një moment të vështirë në Ligën Premier. Ata kanë barazuar si mysafirë të Swanseas me rezultat 1-1.
Scott Sinclair ishte golashënuesi i skuadrës vendase (40’), ndërsa Jose Bosingwa nxori një pikë për mysafirët në minutat shtesë (90’+3).

Nga ana tjetër, Liverpooli ka regjistruar fitore prej 3-0 si mysafir i Wolverhampton, ndërsa të tre golat u shënuan në gjysmën e dytë.

Andy Carroll (53’), Craig Bellamy (61’) dhe Dirk Kuyt (78’) ua sollën tre pikë Redsave.

Aktualisht, Chelsea mban pozitën e katërt me 42 pikë, ndërsa Liverpooli të pestën me 38 pikë.

Anulohet sfida Parma-Juventus (FOTO)

2012-01-31T22:25:00.002+01:00

Autoritetet e futbollit italian kanë marrë vendim që ta anulojnë përballjen ndërmjet Parmës dhe Juventusit, e vlefshme për Serie A. Reshjet e mëdha të borës kanë detyruar që të mos zhvillohet ndeshja në Ennio Tardini, por të shtyhet për një datë tjetër. Vendimi për moszhvillimin e përballjes është marrë vetëm 45 minuta pa filluar takimi.

Juve merr talentin e Ajaxit

2012-01-31T22:24:00.001+01:00

Ajaxi dhe Juventusi kanë arritur marrëveshje për transferimin e Ouasim Bouy te klubi italian.
Konfirmimin e ka bërë klubi holandez, i cili ka mbetur pa një nga talentët kryesorë nga të rinjtë.

18-vjeçari Ouasim Bouy do ta vazhdojë karrierën te klubi italian, pasi siç thuhet, Ajaxi nuk ka mundur ta refuzojë ofertën e Bianconerëve.

Thomas Eisfeld nënshkruan për Arsenalin

2012-01-31T22:23:00.001+01:00

Arsenali ka konfirmuar se ka transferuar mesfushorin ofensiv, Thomas Eisfeld, nga Borussia Dortmundi.
19-vjeçari vjen nga Akademia e klubit gjerman, ndërsa e braktis Dortmundin pas shtatë vitesh.

“Ndjehem shumë krenar që kam nënshkruar për Arsenalin”.

“Ky është një klub i madh, me shumë lojtarë të shkëlqyer, dhe jam shumë i lumtur që i jam bashkuar Arsenalit”, ka thënë Eisfield.

Lucas Roggia huazohet te Milani

2012-01-31T22:22:00.002+01:00

Sulmuesi Lucas Roggia është transferuar në San Siro nga Internacionali.
Pas dështimit për të siguruar shërbimet e Carlos Tevezit, Milani e ka huazuar 21-vjeçarin.

Përveç brazilianit, Milanit i është bashkuar edhe Kingsley Umunegbu nga ekipi zviceran, Chiasso.

Barca liron Hlebin

2012-01-31T20:26:00.001+01:00

Kontrata e Aliaksandr Hleb me Barcelonën është ndërprerë me marrëveshje të dyanshme.
Bjellorusi kishte edhe pesë muaj në kontratën e tij me Blaugranët, mirëpo ai ka qenë gjithmonë tepricë te kjo skuadër, ashtu që është lejuar që të kërkojë një klub tjetër.

Hleb iu bashkua Barcelonës në vitin 2008, pas suksesit te Arsenali, mirëpo asnjëherë nuk arriti të zë vend në këtë skuadër, prandaj u huazua te Stuttgarti, Birmingham City e Wolfsburgu.

Mundësitë janë të mëdha që mesfushori t’i bashkohet klubit grek, Olympiakos.

Palombo nënshkruan për Interin

2012-01-31T19:34:00.002+01:00

Interi ka siguruar firmën e një tjetër mesfushori gjatë këtij afati kalimtar.
Bëhet fjalë për Angelo Palombon, i cili arrin në Giuseppe Meazza nga Sampdoria.

Njoftohet se 30-vjeçari ka nënshkruar kontratë me zikaltrit deri në vitin 2015.

“Jam shumë i lumtur që i jam bashkuar Interit, një ekipi të madh”, ka thënë Palombo për faqen zyrtare të Nerazzurëve.

Pippo konfirmon: Do të qëndroj te Milani!

2012-01-31T19:33:00.002+01:00

Legjenda e sulmit, Filippo Inzaghi, ka njoftuar se ai do të qëndrojë te Milani, së paku deri në fund të sezonit aktual.
Është spekuluar se veterani do të largohet nga San Siro,duke qenë se nuk është në planet e Massimiliano Allegrit, ndërsa Siena ka bërë një ofertë në momentet e fundit të afatit kalimtar, mirëpo ai ka vendosur ta përfundojë kontratën e tij.

“Do të qëndroj këtu. Nuk mund ta nxjerr veten nga ky ambient, të largohem nga Milani, nga tifozët”.

“Ishte e pamundur ta bëja këtë për dy orë, pa i thënë lamtumirë San Siros, ashtu siç kam menduar se do të ishte e drejtë ta bëja dhe siç kam ëndërruar ta bëj”.

“Do të ishte turp po të mos arrija 300 paraqitje me Milanin, pas 12 vitesh si një rossoner dhe me 126 gola të shënuar”, ka thënë Pippo për Milan Channel.

Djibril Cisse lojtar i QPR

2012-01-31T19:32:00.002+01:00

QPR ka kompletuar transferimin e sulmuesit Djibril Cisse nga Lazio, ndërsa 30-vjeçari ka nënshkruar kontratë prej dy vjet e gjysmë me klubin anglez.
Në të kaluar francezi ka luajtur për Liverpoolin dhe Sunderlandin në Ligën Premier, ndërsa është transferi i katërt i QPR që kur Mark Hughes mori drejtimin e klubit.

“Unë e vlerësoj Djibrilin shumë, shumë lartë . E kam shikuar atë për shumë vite dhe gjithmonë jam mahnitur me atë që sjell ai”, ka thënë Hughes.

Corluka kalon te Bayer Leverkusen

2012-01-31T19:31:00.002+01:00

Mbrojtësi i Tottenhamit, Vedran Corluka, është transferuar te klubi gjerman Bayer Leverkusen, ku do të qëndrojë deri në fund të sezonit.
Kroati është paraqitur vetëm tri herë për Spursat këtë edicion, ndërsa konfirmimin për transferimin e tij e kanë bërë të dy klubet.

“Me transferimin, ne i ofrojmë vetes alternativë të kualitetit të lartë”, ka thënë shefi ekzekutiv i Leverkusenit, Wolfgang Holzhauser.

Miyaichi i bashkohet Boltonit

2012-01-31T19:29:00.001+01:00

Mesfushori i Arsenalit, Ryo Miyaichi, në pjesën e mbetur të sezonit aktual do ta bartë fanellën e Bolton Wanderers.
Lojtari japonez është lidhur me një largim nga Emirates gjatë këtij afati kalimtar, ndërsa skuadra e Owen Coyle siguroi nënshkrimin e tij.

Miyaichi u transferua te Arsenali sezonin e kaluar nga Feyenoordi, ndërsa është pritur që të shkëlqejë këtë sezon.

Megjithatë, Arsene Wenger nuk mendoi ashtu, prandaj e ka lënë të largohet në mënyrë që të krijojë edhe më shumë eksperiencë.

Victor Sanchez nënshkruan për Espanyolin

2012-01-31T19:25:00.000+01:00

Ish-lojtari i Barcelonës, Victor Sanchez, ka nënshkruar kontratë prej tre vjet e gjysmë me rivalin lokal të Blaugranëve, Espanyol.
Mesfushori i shkathët, i cili mund të luajë edhe në mbrojtje, është pa skuadër për shkak të kolapsit financiar të Neuchatel Xamax, që shpalli bankrot javën e kaluar.

Espanyoli ka konfirmuar se 24-vjeçari, i cili ka veshur fanellat e Jerez dhe Getafe gjatë kohës sa ishte lojtar i Barcës, është rikthyer në Kataluni.

“Victor Sanchez ka nënshkruar për RCD Espanyol për pjesën e mbetur të këtij sezoni dhe për tre të tjera pas tij”, shkruan në komunikatën e lëshuar nga klubi spanjoll.

Pizarro huazohet te City?

2012-01-31T19:22:00.001+01:00

Mesfushori i Romës, David Pizarro, do të jetë lojtar i Manchester Cityt deri në fund të sezonit aktual- njofton Football Italia.
32-vjeçari nuk është pjesë e planeve të Louis Enriques, së paku deri në fund të këtij sezoni, prandaj i është bashkuar trajnerit të tij të dikurshëm te Interi, Roberto Mancini.

Për shërbimet e kilianit ka qenë i interesuar edhe Juventusi, por transferimi ka dështuar, pasi Zonja e Vjetër nuk donte të paguajë prishjen e kontratës së tij.

Fredy Guarin vesh fanellën e Interit

2012-01-31T16:50:00.002+01:00

Interi ka gjetur menjëherë zëvendësuesin e Thiago Mottas duke transferuar Fredy Guarinin nga Porto.
Ndërsa u njoftua se Motta është rrugës për në PSG, Lega Calcio ka konfirmuar se Guarin është lojtar i Interit, edhe pse vetë klubi akoma nuk e ka bërë njoftimin.

Sipas Sky Sport24, zikaltrit do të paguajnë një shumë fillestare prej 1.5 milionë eurosh deri në fund të sezonit, me mundësinë për ta blerë atë në qershor për 11 milionë euro.

Iaquinta te Cesena, Pazienza te Udinese

2012-01-31T16:48:00.001+01:00

Udinese ka kompletuar huazimin gjashtëmujor të mesfushorit të Juventusit, Michele Pazienza.
29-vjeçari iu bashkua Juves nga Napoli në fillim të sezonit aktual, mirëpo gjatë pjesës së parë të sezonit ai e ka nxehur bankën rezervë.

Ndërkohë, Bianconerët e kanë lejuar edhe largimin e sulmuesit Vincenco Iaquinta, i cili do të qëndrojë te Cesena deri në fund të sezonit aktual.

Lojtari italian e ka pasur të vështirë të zë vend në formacionin e Antonio Contes për shkak të konkurrencës së madhe në fazën ofensive, ashtu që ka preferuar një skuadër ku mund ta riktheje karrierë e tij.

Allegri pa shpresa për Tevez

2012-01-31T16:45:00.002+01:00

Menaxheri i Milanit, Massimiliano Allegri, ka deklaruar se nuk ka gjasa që Carlos Tevez të transferohet në San Siro para mbylljes së afatit kalimtar.
Rossonerët janë duke bërë gjithçka për të siguruar shërbimet e sulmuesit të Manchester Cityt, por e kanë të vështirë të sigurojnë firmën e tij.

“Nuk kam asnjë shpresë që Tevez mund të arrijë para mbylljes së afatit kalimtar”, ka thënë Allegri në një konferencë për media.

Ai ka folur edhe për sulmuesin veteran, Filippo Inzaghi, për të cilin ka thënë se është i lirë të vendosë nëse dëshiron të qëndrojë ose të largohet.

Thiago Motta shkon te PSG

2012-01-31T16:42:00.002+01:00

Interi ka pranuar një ofertë të Paris Saint-Germain për mesfushorin Thiago Motta- ka deklaruar agjenti i lojtarit, Alessandro Canovi.
Sipas tij, transferimi pritet të ndodhë para mbylljes së afatit kalimtar të janarit.

“PSG dhe Interi kanë arritur marrëveshje për Thiago Mottan. Na mungojnë vetëm disa detaje të vogla, por ka kohë për t’u finalizuar gjithçka para orës 19:00”.

“Megjithatë, nëse nuk ndodh sot, do të ndodhë në korrik, sepse tashmë ekziston marrëveshja”, ka thënë Canovi për Tuttomercatoweb.com.

Dalglish: Liverpooli nuk dorëzohet për top katërsh

2012-01-31T16:35:00.001+01:00

Menaxheri i Liverpoolit, Kenny Dalglish, thotë se sezoni ende është shumë i hapur për ta.
Liverpooli aktualisht është në pozitën e shtatë, gjashtë pikë prapa Chelseat që pushton pozitën e katërt, dhe sot Redsat do të udhëtojnë te Wolves.

“Ne kemi edhe 16 ndeshje të ligës të mbetura, kemi një finale të Kupës në Wembley dhe rundin e pestë të Kupës FA në shtëpi kundër Brighton – ka ende për ne për të fituar këtë sezon”.

“Kualifikimi për në Ligën e Kampionëve po ashtu është i arritshëm. Ne do të japim më të mirën që mundemi dhe t’ia dalim sa më mirë që mundemi”, ka deklaruar Dalglish.

Villas-Boas: Torres po përmirësohet

2012-01-31T16:34:00.002+01:00

Menaxheri i Chelseat, Andre Villas-Boas, ka mbështetur Fernando Torres, duke thënë se ai shpreson që spanjolli së shpejti do të fillojë të shënojë gola.
“Mendoj se ne po shohim një lojtar që po zhvillohet sa i takon formës. Ne eventualisht presim gola nga kjo, dhe shpresojmë se golat do të vijnë”.

“Mungesa e golave? Ky është realitet, por ai e ka ndihmuar ekipin. Fernando ka më së shumti asistime për lojtarët tjerë në klub andaj ai është produktiv për të tjerët. Mendoj se ai është plot vetëbesim. Për mundin që ai jep, do t’i shpaguhet”, ka thënë Villas-Boas.

Milani transferon Muntarin

2012-01-31T16:33:00.002+01:00

Kampioni i Serie A, Milani, ka nënshkruar me mesfushorin ganez Sulley Muntari nga rivali lokal Interi, shkruajnë mediat italiane.
Transferimi do të jetë një befasi për shumëkënd, pasi Muntari llogaritet një lojtar “i harxhuar”.

Megjithatë miq të tij nga Gana kanë konfirmuar për mediat italiane se Milani e kishte përcjellë lojtarin për rreth një muaj. Ende nuk është zbuluar shuma e transferimit të tij.

Lojtari kaloi një kohë të vështirë te Interi dhe është pritur të largohet në fund të sezonit.

United të transferojë Freddie Veselin?

2012-01-31T14:01:00.002+01:00

Manchester United raportohet se është afër për të transferuar mbrojtësin shqiptaro-zviceran të Manchester Cityt, Frederic Veseli.
Djajtë e Kuq dje u përfol se ishin në negociata me yllin e ri të Zvicrës, i cili ishte kapiten i përfaqësueses në triumfin në Kupën Botërore U17 në vitin 2009, dhe Veseli dje është drejtuar për në Manchester, i veshur me një jelek të kuq për të festuar transferimin, shkruan Manchester Evening News.

Freddie Veseli, një futbollist me prindër kosovarë, ka qenë një prej prospekteve të Cityt, por ishte frustruar pasi nuk arriti të depërtojë në skuadrën e parë.

Frustrimi i tij u rrit së fundi kur City humbi kapitenin Vincent Kompany dhe solli 17-vjeçarin Karim Rekik në skuadrës si mbulesë.

Zyrtare: Juve nënshkruam me Padoin

2012-01-31T13:59:00.005+01:00

Juventusi ka konfirmuar përmes faqes zyrtare se ka kompletuar nënshkrimin e mesfushorit të Atalantas, Simone Padoin, për pesë milionë euro.
Biankonerët ishin në kërkim të një përforcimi të ri në mesfushë para mbylljes së afatit kalimtar dhe më herët ishin lidhur edhe me lojtarë si ai i Cagliarit, Radja Nainggolan, dhe ai i Portos, Fredy Guarin.

Megjithat￫, ata kthyen vëmendjen e tyre kah Padoin dhe tashmë kanë mbyllur transferimin e lojtarit. 27-vjeçari ka nënshkruar kontratë pesëvjeëare me liderin e Serie A.

Mancini: Titulli vendoset në mes të Cityt dhe United

2012-01-31T13:59:00.002+01:00

Menaxheri i Manchester Cityt, Roberto Mancini, mendon se kampioni i Anglisë do të vendoset në mes të skuadrës së tij dhe Manchester United.
“Është vështirë për të tjerët. Është e pamundshme që ne dhe Manchester United t’i humbim të gjitha ndeshjet”.

“Ka edhe 16 ndeshje dhe gjithçka mund të ndodhë, përfshirë që Tottenham të rikthehet në garën për titull. Por për momentin gara është në mes Cityt dhe United”, ka deklaruar italiani.

Sacchi: Juve do ta fitojë titullin

2012-01-31T13:58:00.002+01:00

Ikona e Milanit, Arrigo Sacchi, mendon se Juventusi do ta fitojë titullin e Serie A këtë sezon.
“Allegri është një trajner i shkëlqyeshëm, ai ka një skuadër e cila është mbase më së shumti komplekse, por me shumë individualistë, derisa Juventusi është më pak kompleks por ka më pak individualistë”.

“Biankonerët do ta fitojmë Scudetton pasi ata kanë një avantazh, duke mos participuar në Evropë, dhe ka një shtytje nga të gjithë të cilët janë atje. Juve po luan në vazhdimësi, lojë në stilin ndërkombëtar, me lojtarë të mirë por vetëm disa të cilët janë të shkëlqyeshëm”, ka thënë Sacchi.

Mourinho nuk e përjashton Barcën nga gara për titull

2012-01-31T13:57:00.004+01:00

Trajneri i Real Madridit, Jose Mourinho, beson se Barcelona ende mund të rikthehet në garën për titull.
“A janë shtatë pikë shumë? Shtypi mund të mendojë kështu, por unë nuk pajtohem. Njerëzit të cilët shkruajnë se ne jemi kampionët e rinj dhe se Barcelona nuk mund të rikthehet janë të njëjtët njerëz të cilët më herët janë përpjekur të krijojnë ndarje dhe konflikte te Madrid”.

“Ata do të thonë se ne jemi në krizë sërish sapo ne të humbim pikë. Ata janë po ata të cilët tentojnë të minojnë ekuilibrin te Madrid. Megjithatë, unë jam i qetë dhe i gatshëm të merrem me gjithçka të mirë ose të keqe”, ka thënë Mourinho.

Balotelli të luajë për Barcën ose Realin?

2012-01-31T13:57:00.002+01:00

Agjenti i sulmuesit të Manchester Cityt, Mario Balotelli, thotë se një transferim i italianit te Real Madrid ose Barcelona është i mundshëm.
Mino Raiola mendon se Balotelli do të luajë për njërin prej klubeve më të mëdha spanjolle në të ardhmen.

“Çfarë mund të them është se një ditë ai do të largohet për një prej klubeve më të mëdha në nivel evropian, që mund të jetë Real Madridi ose Barcelona”.

“Për momentin, ai ende nuk dëshiron të rikthehet në Itali të luajë për Milanin”, ka thënë Raiola.

United refuzon të nënshkruajë me Sneijder

2012-01-31T13:56:00.001+01:00

Manchester United ka lëshuar shansin të nënshkruajë me Wesley Sneijder në ditën e fundit të afatit kalimtar të janarit.
Sky Italia bën të ditur se United ka reaguar me qetësi ndaj holandezit dhe ka refuzuar mundësinë për të bërë biznes me Interin për mesfushorin.

E ardhmja e Sneijder tash pritet të vendoset në fund të sezonit, kur vetëm largimi i Claudio Ranieri mund ta mbajë atë në Giuseppe Meazza.

Clippers fitojnë, shkëlqen Griffin

2012-01-31T13:55:00.002+01:00

Blake Griffin ka bërë hedhjen më të mirë të sezonit derisa Los Angeles Clippers fituan 112-100 ndaj liderit të NBA-së Oklahoma City Thunder.
Griffin, mori një pasim nga Chris Paul në fillim të çerekut të katërt dhe kërceu mbi mbrojtësin Kendrick Perkins para se të dërgojë topin në kosh me dorën e djathtë. Shënimi i tij u dha epërsinë prej 21 pikësh Clippersave dhe ndihmoi skuadrën t’i japë fund serisë prej katër fitoreve radhazi të Thunder.
Paul ishte orkestrues i fitores duke shënuar 26 pikë dhe 16 asistime, me Griffin dhe Caron Butler që shënuan nga 22 pikë secili derisa Los Angeles shënoi fitoren e dytë në po aq ndeshje ndaj skuadrës së kreut në Konferencën Perëndimore, pasi doli fitues edhe në takimin e të dielës.
Kevin Durant shënoi pikët më të larta në ndeshje, 36 pikë, ndërsa kontribuoi edhe me 13 kërcime, derisa Russell Westbrook shënoi 31 pikë për Thunder që tash ka 16 fitore dhe katër humbje.

Van Persie drejt Barcelonës?

2012-01-31T13:54:00.004+01:00

Kapiteni i Arsenalit, Robin van Persie, raportohet se dëshiron t’i bashkohet ish-bashkë-lojtarit të tij Cesc Fabregas te Barcelona.
El Mundo Deportivo shkruan se Van Persie, 28-vjeçar, dëshiron të fitojë trofe dhe është shumë i vetëdijshëm për suksesin që Cesc tashmë ka arritur te Barca, ku ka mbledhur tre trofe që kur iu bashkua klubit gjatë verës.

Barca pritet të mendojë më seriozisht për transferimin e holandezit gjatë verës, kur Van Persie do të futet në 12 muajt e fundit të kontratës së tij me Topçinjtë.

Galliani: Tevez mund të arrijë sot

2012-01-31T13:54:00.002+01:00

Zëvendëspresidenti i Milanit, Adriano Galliani, nuk e ka përjashtuar një transferim të Carlos Tevez në ditën e sotme, të fundit të afatit kalimtar dimëror.
“Tregu është skajshmërisht dinamik – gjërat të cilat nuk ndodhin në periudhë prej një muaji mund të ndodhin brenda 24 orësh. Telefoni bie çdo 30 sekonda, duket sikur një film aksion”.

“Nuk them se Tevez do të arrijë, ta kemi të qartë. Megjithatë kampanjat e fundit transferuese më kanë mësuar më mirë se sa të bëj parashikime. Nëse drejtori i Manchester Cityt më telefonon sonte dhe ma ofron Tevez... Por vërtet nuk mendoj se kjo do të ndodhë”.

“Do të qëndroj deri në 19.00 të mbrëmjes, deri në minutën e fundit të afatit kalimtar. Nëse ne marrim një email ose një faks, do të shohim çfarë do të do të ndodhë”, ka deklaruar Galliani.

Low jo i gatshëm të drejtojë Realin

2012-01-31T13:53:00.002+01:00

Trajneri i Gjermanisë, Joachim Low, ka hedhur poshtë spekulimet se ai do ta pasojë Jose Mourinhon te Real Madridi.
“Mourinho duhet të presë deri në vitin 2014, kur kontrata ime me Gjermaninë skadon. Por seriozisht, kjo është një spekulim i pastër, asgjë më shumë”.

“Unë jam trajner i ekipit kombëtar të Gjermanisë dhe nuk ka shumë angazhime në botë të cilat janë më të mira se kjo”.

“Nuk, dua të humbi mendimet me gjëra të tilla. Jam i bindur se Mourinho është trajneri më i mirë për Madridin për momentin”, ka deklaruar gjermani.

Luca Toni nënshkruan me Al Nasr

2012-01-31T13:52:00.004+01:00

Veterani i Juventusit, Luca Toni, ka kompletuar transferimin e tij te skuadra nga Emiratete e Bashkuara Arabe, Al Nasri.
34-vjeçari largohet nga Juventusi një vit pasi erdhi nga Genoa si transferim i lirë. Ai shënoi dy gola në 15 ndeshje për Zonjën e Vjetër, por nuk është paraqitur aspak këtë sezon.

Juventusi, me anë të një deklarate të shkurtër në faqen zyrtare, ka zbuluar se sulmuesi është shitur me kontratë të përhershme te klubi nga Dubai.

Galliani pret Inzaghi të qëndrojë me Milanin

2012-01-31T13:52:00.002+01:00

Zëvendëspresidenti i Milanit, Adriano Galliani, pret që Filippo Inzaghi të qëndrojë në San Siro.
Galliani spekulohet se është afër për ta larguar Inzaghin drejt Lazios, por vetë ai thotë ndryshe.

“Parashikimi im është se ai do të mbetet. Ai ka fituar shumë medalje dhe nëse ai kërkon të largohet atëherë ne do ta bëjmë atë të lumtur”.

“Megjithatë, deri tash, ai nuk ka kërkuar dhe mendoj se ai do të qëndrojë te Milani”, ka thënë Galliani.

Conte: Nuk kam nevojë për Ibrahimovic

2012-01-31T13:51:00.002+01:00

Trajneri i Juventusit, Antonio Conte, thotë se skuadra e tij nuk ka nevojë për ndonjë lojtar të klasit të Zlatan Ibrahimovic.
Conte është pyetur se sa i mirë do të ishte ekipi i Juventusit nëse do të kishte në radhët e veta sulmuesin e Milanit.

“Jam i kënaqur me lojtarët të cilët i kam në dispozicion. Ibrahimovic është një lojtar i cili e bën diferencën, por lojtarët e mi mbeten më të mirët në botë”, ka thënë Conte.

Reja: Klose më i mirë se Ibra

2012-01-30T23:17:00.002+01:00

Trajneri i Lazios, Edy Reja, mendon se Miroslav Klose është sulmues më i mirë sesa Zlatan Ibrahimovici i Milanit.
“Ibra është më spektakolar, ai kërkon hapësira për të goditur”.

“Klose i sjell më shumë skuadrës, ai punon për skuadrën. Ai është një lojtar i mençur, një lojtar i vërtetë ekipor”, ka thënë Reja për Lazio Style Radio.

Lazio është nikoqir i Milanit në ndeshjen e të mërkurës në Serie A, ndërsa trajneri i ka lëvduar Rossonerët, të cilët i konsideron favoritë.

Pinto: Nuk heqim dorë nga titulli

2012-01-30T23:16:00.001+01:00

Portieri i Barcelonës, Jose Pinto, ka deklaruar se gara për titullin e Kampionatit spanjoll është duke vazhduar dhe Blaugranët nuk dorëzohen për asgjë.
Katalunasit kanë mbetur shtatë pikë prapa Real Madridit në tabelën e La Ligas, ndërsa shumëkush mendon se titulli tashmë u takon Mbretërve.

“Mesazhi që vjen nga skuadra është mesazh i vetëbesimit. Ne kemi shumë pakëz hapësirë për gabime, por ne nuk dorëzohemi nga asgjë”, ka deklaruar portieri i dytë i Barcës për faqen zyrtare të klubit.

Marco Motta braktis Juven për Catanian

2012-01-30T23:15:00.001+01:00

Catania ka njoftuar se ka siguruar shërbimet e lojtarit të Juventusit, Marco Motta, në formë huazimi deri në fund të sezonit.
Sicilianët kanë nevojë ta forcojnë fazën defensive, ndërsa 25-vjeçari është njeriu i duhur, sipas trajnerit Vincenzo Montella.

Motta e ka filluar karrierën profesionale te Atalanta, ndërsa ka veshur fanellat e Udineses, Torinso dhe Romës, para se t’i bashkohej Juventusit në verën e vitit 2010.

Mirëpo, këtë edicion ai vazhdimisht e ka nxehur stolin e Bianconerëve.

Carlos: Mou më i mirë se Pep

2012-01-30T23:14:00.001+01:00

Ish-lojtari i Real Madridit, Roberto Carlos, konsideron se trajneri i Los Blancos, Jose Mourinho, është më i mirë se trajneri i Barceonës, Pep Guardiola.
“Mourinho është akoma numër një- për karakterin e tij, stilin e lojës, sepse secila skuadër që e ka udhëhequr ai ka fituar”.

“Do të shohim nëse Guardiola mund të fitojë nëse shkon te Chelsea apo Interi, atëherë mund të flasim se kush është më i miri”.

“Pep është trajner modern, është inteligjent, i guximshëm, e do futbollin dhe gjithmonë i ka lojtarët në anën e tij. Ai di shumë për futbollin, por suksesi i Mourinhos në të gjitha vendet ku ka qenë, e konfirmon atë si më të mirin. Në Spanjë gjenden dy trajnerët më të mirë në botë”, ka deklaruar braziliani për Marca.

Juan nënshkruan për Interin

2012-01-30T19:40:00.001+01:00

Nerazzurët kanë siguruar firmën e mbrojtësit brazilian, Juan, të cilën e kanë transferuar nga Internacional.
Konfirmimi për transferimin e 20-vjeçarit është bërë në faqen zyrtare të Interit, ndërsa nuk dihet shuma e blerjes.

Juan është produkt i Akademisë së Internacional, ndërsa mund të luajë si qendërmbrojtës ose si mbrojtës krahu, ndërsa shumë skuadra evropiane shprehën interesim për blerjen e tij.

Conte: Milani është superfavorit për titull

2012-01-30T19:38:00.002+01:00

Juventusi akoma nuk e di se si është të humbësh këtë edicion, mirëpo trajneri Antonio Conte e konsideron kampionin në fuqi, Milan, si favorit kryesor për titull.
“Milani është superfavorit. Ne duhet të japim gjithçka dhe të gërmojmë thellë së bashku me të tjerët prapa nesh”.

“Të jesh i detyruar për të shkuar përpara nuk funksionon gjithmonë, por të motivon”, ka deklaruar Conte për Sky Sport Italia.

Thomas Eisfeld drejt Arsenalit

2012-01-30T19:36:00.001+01:00

Arsenali është pranë transferimit të talentit të Borussia Dortmundit, 19-vjeçarit Thomas Eisfeld.
Ruhr Nachrichten citon një burim të ketë thënë se lojtari dhe agjenti i tij janë në Londër për ekzaminimet mjekësore dhe për nënshkrimin e kontratës.

Eisfeld, i cili është një mesfushor ofensiv, ëndërron për një karrierë në futbollin profesionist, ndërsa Topçinjtë mund t’ia japin këtë mundësi.

Roma huazon Marquinhon

2012-01-30T18:26:00.001+01:00

Giallorossët kanë kompletuar transferimin e mbrojtësit brazilian të krahut, Marquinho, në formë huazimi deri në fund të sezonit aktual.
Konfirmimin e ka bërë klubi i Romës përmes një komunikate për media duke treguar se lojtari i Fluminenses në pjesën e mbetur të sezonit të veshë fanellën e kryeqytetasve.

25-vjeçari, i cili mund të luajë edhe si mbrojtës krahu edhe si mesfushor, e ka filluar karrierën profesionale në Palmeiras, ndërsa ka veshur edhe fanellat e Botafogo dhe Figueirense, para se t’i bashkohej Fluminenses në vitin 2009.

Carlos pensionohet në fund të vitit

2012-01-30T17:22:00.002+01:00

Legjenda braziliane, Roberto Carlos, ka njoftuar se në fund të këtij viti do t’i japë fund karrierës si futbollist aktiv.
“Marrëveshja ime me Anzhin skadon në qershor të vitit 2013, mirëpo në dhjetor planifikoj të ndërpres së luajturi”.

“Pastaj do të vazhdoj të punoj si asistent i presidentit Suleyman Kerimov, sepse me të kam marrëveshje të përjetshme”.

“Ai më ka angazhuar t’i ndihmoj në ndërtimin e strukturës së klubit për dhjetë vitet e ardhshme”, ka thënë 38-vjeçari në një intervistë për Marca.

Mazzarri: Nuk e imitojmë Barcën

2012-01-30T17:21:00.002+01:00

Trajneri i Napolit, Walter Mazzarri, ka deklaruar se skuadra që drejton ai nuk po mundohet ta imitojë lojën e Barcelonës apo cilësdo skuadër tjetër.
“Ne e dimë se cili sistem funksionon më mirë për ekipin tonë dhe ne po mundohemi ta zhvillojmë atë sa më shumë që mundemi. Ne nuk e shfrytëzojmë modelin e Barcelonës apo të ndonjë skuadre tjetër”.

“Por është e qartë se Barcelona, që po shkruan historinë tash, ka mentalitet fitues dhe ky është imazhi që ua projektojnë të gjithëve”.

“Shumë skuadra të tjera e kanë studiuar mënyrën e tyre të lojës, dhe stili i tyre është një nivel për t’u arritur nga të gjithë”, citon faqja zyrtare e FIFA-s fjalët e Mazzarrit.

Mourinho: Nuk kemi fituar asgjë

2012-01-30T17:15:00.001+01:00

Trajneri i Real Madridit, Jose Mourinho, ka thënën se asgjë nuk është vendosur sa i përket titullit të La Ligas, përkundër se ekipi i tij gjendet shtatë pikë përpara pozitës së dytë që e mban Barcelona.
“A janë shumë shtatë pikë? Shtypi mund të mendojë ashtu, por unë nuk pajohem”.

“Njerëzit që shkruajnë se ne jemi kampionët e rinj dhe se Barcelona nuk mund të arrijë, janë po të njëjtët njerëz të cilët më herët janë munduar të krijojnë ndarje dhe konflikte te Madridi”.

“Ata do të thonë sërish se ne jemi në krizë, porsa të lëshojmë pikë. Ata janë po të njëjtit që duan ta minojnë baraspeshën te Madridi”, ka deklaruar portugezi.

Bayern super-ofertë për Shaqirin

2012-01-30T15:30:00.002+01:00

Gjiganti gjerman, Bayern Munchen po e përgatitë një super-ofertë për yllin kosovar të Baselit, Xherdan Shaqirin.

Sipas mediave gjermane, Shaqiri nuk do të mund t'i thotë jo ofertës së bavarezëve.

E përdtitshmja "Bild" shkruan se Bayern ka nisur bisedimet me Baselin për ta transferuar në afatin kalimtar të verës yllin kosovar.

Thuhet se Bayern do të ofrojë 15 milionë euro për t'ua marrë zviceranëve djaloshin 20 vjecar.

Për shërbimet e Shaiqirit kanë shprehur interesim edhe Porto, Galatasaray dhe Zenit.

Ozil: Me Kaka gjithmonë shënojmë

2012-01-30T15:29:00.002+01:00

Mesut Ozil është i ngazëllyer që është shkruar në listën e shënimeve për Real Madridin në fitoren e vikendit ndaj Real Zaragozës.
“Jam shumë i lumtur që kam ndihmuar ekipin dhe sepse ne kemi fituar. Ishte një ndeshje e rëndësishme. Unë punoj fuqishëm çdo ditë dhe bisedoj me trajnerin shumë”.

“Ndjehem shumë mirë me Kaka. Ne të dy shënojmë kurdo që luajmë së bashku edhe në seancat stërvitore edhe në ndeshje”, ka thënë Ozil.

Roma të bëjë ofertë për Kuyt?

2012-01-30T15:28:00.004+01:00

Roma raportohet se sot ka diskutuar mundësinë e transferimit të sulmuesit të Liverpoolit, Dirk Kuyt.
Corriere dello Sport shkruan se trajneri i Romës, Luis Enrique, ka kërkuar nga bordi të sjellin një lojtar i cili mund të ketë ndikim të menjëhershëm – dhe Kuyt i përshtatet kërkesës së spanjollit.

Drejtori i Romës, Walter Sabatini, është duke diskutuar mundësinë e përgatitjes së një oferte për holandezin sot, një ditë para mbylljes së afatit kalimtar dimëror.

Kuyt është i pakënaqur me kohën që po fiton te Liverpooli nën drejtimin e trajnerit Kenny Dalglish dhe mund të jetë i gatshëm të largohet nga klubi anglez.

Mourinho të drejtojë Anglinë?

2012-01-30T15:28:00.002+01:00

Trajneri i Real Madridit, Jose Mourinho, është lidhur me një largim nga gjiganti spanjoll për të marrë nën drejtim skuadrën e Anglisë.
Mourinho pritet të largohet nga Reali gjatë verës për një rikthim në Angli – me skuadra si Tottenham dhe Arsenal që janë lidhur me ish-menaxherin e Chelseat.

Megjithatë, Daily Mail shkruan se edhe Federata Angleze e Futbollit do të ishte e interesuar ta angazhojë portugezin si pasues të Fabio Capellos gjatë verës, edhe pse menaxheri i Tottenhamit, Harry Redknapp, mbetet favoriti kryesor.

Villas-Boas: Sezoni pa trofe është dështim

2012-01-30T15:27:00.002+01:00

Menaxheri i Chelseat, Andre Villas-Boas, thotë se ai synon të fitojë trofe këtë sezon me Blutë.
Villas-Boas ka përjashtuar skuadrën e tij nga gara për titull, por ai është i bindur se ata janë të motivuar për të përfunduar sa më lart në Ligë dhe për të luftuar për titullin e Kupës FA dhe Ligës së Kampionëve.

“Mendoj se motivimi jonë duhet të jetë të luajmë ndeshje pas ndeshje dhe sigurimi i Ligës së Kampionëve, që është objektivi minimal që mund ta keni”.

“Ne nuk po largohemi nga përgjegjësitë tona. Nëse përfundoni sezonin pa titull, atëherë kjo është dështim”, ka thënë portugezi.

Allegri i ngazëllyer me fitoren e Milanit

2012-01-30T15:26:00.005+01:00

Trajneri i Milanit, Massimiliano Allegri, ishte i ngazëllyer me fitoren 3-0 ndaj Cagliarit.
“Për moment tabela ka filluar të shtendoset, andaj ishte e rëndësishme për ne të fitojmë sonte”.

“Ne jemi ende afër Juventusit dhe jeni larguar nga ndjekësit, pasi edhe Udinese edhe Inter humbën gjatë vikendit”.

“Kemi luajtur një ndeshje të mirë, edhe pse ne vuajtëm deri në golin e Zlatan Ibrahimovic. Pas kësaj, ishte shumë më e thjeshtë”, ka thënë Allegri.

Ranieri i zhgënjyer pas disfatës nga Lecce

2012-01-30T15:26:00.002+01:00

Interi dje befasisht u mposht nga Lecce me rezultat minimal 1-0, gjë që ka tronditur edhe trajnerin Claudio Ranieri.
“Sot ne kishim përballë një portier të shkëlqyeshëm dhe një skuadër që u mbrojt shumë mirë”.

“Ne pastaj u bëmë shumë të shqetësuar dhe nuk ishim mjaft të mprehtë për të sulmuar. Po ashtu goditëm shtyllën dhe na u anuluan dy gola të pastër, andaj ishim të paaftë për të dalë nga një ndeshje e vështirë”, ka thënë Ranieri.

Hazard preferon Ligën Premier

2012-01-30T15:25:00.002+01:00

Ylli i Lille, Eden Hazard, ka shprehur dëshirën e tij për të luajtur në Ligën Premier.
Chelsea, Manchester United and Arsenal që të gjithë janë lidhur me një transferim të belgut, i cili e ka bërë të qartë ambicien e tij.

“Mendoj se do të shkoj në Angli, stili i lojës më përshtatet mua. Është e qartë se ka shumë klube të interesuara”.

“Paris? Tashmë kam thënë se do të doja të luaj jashtë Francës. Kam luajtur mbi 100 ndeshje në Ligue 1. Paris po i josh lojtarët atje tash, por është një vendim që tashmë e kam marrë”, ka thënë Hazard.

James shkëlqen në fitoren e Heat

2012-01-30T15:24:00.001+01:00

LeBron James ka shënuar 35 pikë dhe 11 kërcime për të ndihmuar Miami Heat të mposhtë Chicago Bulls me rezultat 97-93 në një duel ngazëllues në mes të dy top ekipeve të Konferencës Lindore.
Derrick Rose i Chicagos, MVP i ligës, shënoi 34 pikë dhe shfaqi një lojë mjaft të bukur të basketbollit, por huqi shënim në minutën e fundit.

Kur Heat ishin në avantazh 94-93, Rose, loja elegante e të cilit u duartrokit edhe nga publiku nikoqir, humbi dy gjuajtje të lira, të cilën gjë e bëri edhe James në anën tjetër, me dy lojtarët më të spikatur të takimit që disi humbën fokusin kur ai ishte më i domosdoshëm.

Crish Bosh shënoi 24 pikë dhe 12 kërcime për Miamin, por Dwyane Wade, në ndeshjen e tij të dytë pas mungesës prej gjashtë ndeshjeve, shënoi vetëm pesë pikë duke qenë i saktë në katër nga 16 gjuajtjet.

Fitorja ishte e katërta radhazi dhe e shtata në tetë ndeshje për Heat, të cilët tash janë vetëm një ndeshje prapa Bulls në tabelën e Lindjes.

Milani dhe City në luftë për Ronaldon

2012-01-30T15:23:00.001+01:00

Ylli i Real Madridit, Cristiano Ronaldo, mund të largohet nga Spanja në fund të sezonit.
Sport shkruan se dy prej destinacioneve më të mundshme për Ronaldon janë Manchester City dhe Milani.

Presidenti i Milanit, Silvio Berlusconi, është inkurajuar nga lajmi se Ronaldo po ndërton një shtëpi në Lake Como (Itali) dhe nuk e ka fshehur admirimin e tij për ish-yllin e Manchester United.

Te City, Sheiku Mansour ka resurse për t’i mposhtur të gjithë rivalët e tij për portugezin. Vitin e kaluar u raportua se City përgatiste ofertë në vlerën e 170 milionë eurove për të sjellë Ronaldon në Angli, por sulmuesi refuzoi ta shikojë ofertën.

Megjithatë këtë sezon gjërat kanë ndryshuar dhe raporti i tij me fansat ka sjellë dilema për të ardhmen e tij. Ai madje ishte sulmuar edhe nga presidenti i nderit i Realit, Alfredo di Stefano.

Puyol: Nuk dorëzohemi

2012-01-30T15:22:00.004+01:00

Kapiteni i Barcelonës, Carles Puyol, thotë se Barcelona nuk do të dorëzohet në garën për titullin e La Ligës.
Barca ka ngecur shtatë pikë prapa Real Madridin në tabelën e La Ligës pasi barazoi pa gola ndaj Villarrealit në fundjavë.

“Skuadra do të reagojë; ne do të bëjmë më shumë, çfarë do që do të nevojitet për të fituar. Nuk ka arsyetime. Lojtarët janë mësuar të luajnë çdo tre ndeshje dhe La Liga nuk është humbur. Ne nuk do të dorëzohemi”, ka deklaruar Puyol.

Kuyt: Dua të luaj rregullisht

2012-01-30T15:22:00.002+01:00

Njëshi i Liverpoolit, Dirk Kuyt, thotë se është i pakënaqur me kohën sa po luan këtë sezon.
“Është shumë vështirë, jam një lloj i lojtarit i cili ka nevojë të luajë ndeshje radhazi. Sa më shumë minuta që luaj, ndjehem më mirë dhe jam mësuar të luaj çdo ndeshje në 10 vitet e fundit të karrierës time”.

“Është e qartë se vetëm dua të luaj çdo ndeshje dhe duhet të përpiqem t’ia dëshmoj këtë menaxherit çdo herë që luaj. Është vendim i menaxherit dhe ju duhet ta respektoni këtë, veçanërisht kur menaxher është Kenny Dalglish”, ka thënë Kuyt.

Reali dhe Chelsea të shkëmbejnë Pepe dhe Luiz?

2012-01-30T15:21:00.002+01:00

Real Madridi dhe Chelsea raportohet se janë në biseda për të shkëmbyer mbrojtësit e tyre.
A Bola shkruan se presidenti i Realit, Florentino Perez, dëshiron ta largojë Pepen në fund të sezonit, pas kundërthënieve që kanë shoqëruar portugezin sezonet e fundit.

Florentino dëshiron të arrijë një marrëveshje shkëmbimi me Chelsean, që do ta dërgonte Pepen në Londër në shkëmbim të arritjes së David Luiz në Madrid.

Pepe vlerësohet lart nga menaxheri i Chelseat, Andre Villas-Boas, i cili nuk ka arritur t’ia përshtatë mbrojtësin David Luiz sistemit të tij të lojës, së paku jo gjatë këtij sezoni.

Carroll të qëndrojë te Liverpooli

2012-01-30T15:20:00.004+01:00

Andy Carroll thotë se ai nuk mendon të largohet dhe e sheh të ardhmen e tij te Liverpooli.
“A mendoj të largohem? Aspak. Klubi ka qenë i shkëlqyeshëm me mua dhe çdokush jashtë klubi ka qenë fantastik dhe po kënaqem këtu”.

“Çdokush më ka mbështetur dhe më ka ndihmuar gjithë kohën. Kam nënshkruar kontratë këtu dhe ky është ekipi për të cilin luaj”, ka thënë Carroll.

Liverpooli pas Lucas Barrios

2012-01-30T15:20:00.002+01:00

Liverpool raportohet se synon të transferojë sulmuesin e Borussia Dortmund, Lucas Barrios.
Mediat angleze shkruajnë se Barrios është shndërruar në një prej caqeve të Kenny Dalglish pasi sulmuesi nuk po shkon mirë me trajnerin Jurgen Klopp saqë tash nuk e ka të siguruar as vendin në 11-shen startuese.

Edhe skuadra Queens Park Rangers po ashtu ka shfaqur interesim për lojtarin, por do të tentojë ta transferojë atë vetëm nëse siguron qëndrimin në Ligën Premier në fund të sezonit.

Wenger lavdëron karakterin e Topçinjve

2012-01-30T15:07:00.001+01:00

Menaxheri i Arsenalit, Arsene Wenger, është i ngazëllyer me karakterin e treguar nga lojtarët e tij në fitoren e Kupës FA ndaj Aston Villas.
Kapiteni Robin van Persie shënoi dy herë, që të dyja nga pika e bardhë, derisa Topçinjtë u rikthyen nga disvantazhi 2-0 në pjesë të parë, për të fituar 3-2 në fund të takimit dhe për të kaluar në rundin e pestë të Kupës.

“Gjithmonë kam qenë shumë i impresionuar pasi jam ndjerë kështu kur kam dalë nga një periudhë e keqe siç jemi ne tash, dhe kur ju jeni 2-0 në disavantazh, juve mund t’ju vijë keq për veten ose ju mund të tregoni se keni kualitete mentale për të luajtur për këtë klub”.

“Isha shumë krenar që ekipi doli duke luajtur në të gjitha cilindrat dhe tregoi se ata nuk janë të gatshëm të dorëzohen”, ka thënë Wenger.

AVB: Nuk na duhet zëvendësim për Ramires

2012-01-30T15:06:00.002+01:00

Menasxheri i Chelseat, Andre Villas-Boas, thotë se ai nuk ka nevojë të blejë zëvendësim për mesfushorin e lënduar, Ramires.
Ky i fundit do të jetë katër javë jashtë fushe për shkak të një lëndimi në gju, por portugezi mendon se Blutë kanë mjaft lojtarë në dispozicion.

“Ne kemi mjaft numra për t’ia dalë. Nëse ne e fusim Florent (Malouda) në opsionet e mesfushës atëherë ne kemi gjashtë lojtarë pa Ramires. Kjo është e mjaftueshme”, ka thënë Villas-Boas.

Milani në hap për titull

2012-01-29T22:45:00.002+01:00

Me rezultat prej 3-0, Milani e ka mposhtur Caglairin të dielën mbrëma në San Siro, për t’i qëndruar pranë Juventusit drejt garës për Scudetto.
Zlatan Ibrahimovic i kaloi vendasit në epërsi me një gjuajte të lirë nga rreth 23 metra (32’).

Nuk kaloi shumë kohë dhe Antonio Nocerino dyfishoi epërsinë (39’), ndërsa edhe në këtë gol ishte i përfshirë Ibra, pasi bëri asistin. Ky ishte rezultati i pjesës së parë.

Në gjysmën e dytë, kuqezinjtë shënuan edhe njëherë. Realizues ishte veterani i mesfushës, Massimo Ambrosini, i cili pranoi një top nga Urby Emanuelson për ta vendosur rezultatin përfundimtar të ndeshjes (75’).

Me këtë fitore, Milani vazhdon t’i bëjë presion kreut që e mban Juventusi, nga e ndan vetëm një pikë.

Alonso e Marcelo të lënduar

2012-01-29T21:31:00.002+01:00

Stafi mjekësor i Real Madridit ka sjellë lajme jo të mira pas fitores ndaj Zaragozas. Dy nga lojtarët që ishin në formacionin e Los Blancos, Xabi Alonso dhe Marcelo, kanë pësuar lëndime.
Mesfushori spanjoll u zëvendësua në minutën e 62-të, derisa mbrojtësi i krahut të majtë është ankuar për dhimbje edhe pse luajti deri në fund.

Ende nuk dihet serioziteti i lëndimeve dhe kohëzgjatja e mundshme e mungesës së tyre.

Tash ankohen lojtarët e Barcës

2012-01-29T21:29:00.001+01:00

Dyshja e Barcelonës, Lionel Messi dhe Xavi, kanë shprehur frustrimin e tyre ndaj asaj që e quajnë vendime të padrejta gjatë sezonit 2011/2012 në La Liga ndaj skuadrës së tyre, ndërsa edhe Victor Valdes i ka kritikuar standardet e arbitrave në Spanjë.
Blaugranët kanë mbetur shtatë pikë prapa liderit Real Madrid në La Liga, ndërsa pas takimit ndaj Villarrealit, Messi është shprehur i pakënaqur me vendimet e arbitrit.

“Nganjëherë ata janë arrogantë dhe kërcënojnë për të nxjerrë kartonin në provokimin minimal”, ka deklaruar argjentinasi.

Ndërkohë, Xavi ka thënë: “Më duket se ne po ndëshkohemi më shumë se skuadrat tjera”.

Derisa Valdes mendon se gjatë sezonit është dashur të akordohen disa penalti në favor të katalunasve.

Tri javë moslojë për Ramires

2012-01-29T21:27:00.001+01:00

Mesfushori i Chelseat, Ramires, ka pësuar një lëndim të ligamentit të gjurit të djathtë në takimin ndaj QPR, i cili do ta mbajë së paku tri javë jashtë fushe.
Braziliani iu nënshtrua ekzaminimeve të dielën, ndërsa nga klubi kanë njoftuar se ai nuk do të luajë në tri ose katër javët e ardhshme.

Ai nuk do të jetë në dispozicion të Bluve në derbin ndaj Manchester Unitedit, si edhe në takimin e parë të Ligës së Kampionëve ndaj Napolit.

Topçinjtë përmbysin Aston Villan

2012-01-29T18:59:00.002+01:00

Arsenali ka siguruar kualifikimin në raundin e pestë të FA Cup me një fitore mbresëlënëse prej 3-2 përballë Aston Villas në Emirates Stadium.
Pjesa e parë i takoi skuadrës mysafire, e cila krijoi epërsi të dyfishtë. Richard Dunne shënoi golin e parë në ndeshje (33’), ndërsa Darren Bent bëri që gjërat për Arsenalin të përkeqësoheshin maksimalisht (45’).

Mirëpo, në gjysmën e dytë, Topçinjtë arritën të kthenin gjithçka në favor të tyre duke shënuar tre gola të shpejtë.

Robin van Persie ishte i saktë nga njëmbëdhjetëmetërshi për ngushtuar epërsinë (54’), ndërsa Theo Walcott i barazoi shifrat (57’).

Arsenali fitoi edhe një tjetër penalti pas ndërhyrjes së gabuar kundrejt Kosicelney, ndërsa sërish i pagabueshëm ishte Robin van Persie (61’).

Në raundin tjetër, Arsenali do të luajë përballë fituesit të sfidës mes Sunderland dhe Middlesbrough që luajtën baras në ndeshjen e zhvilluar të dielën (ndërsa sipas rregullave të FA Cup, duhet ta zhvillojnë një tjetër ndeshje për të kërkuar fituesin).

Karanka: Ozil po kthehet në formën e sezonit të kaluar

2012-01-29T18:34:00.001+01:00

Zëvëndëstrajneri i Real Madridit, Aitor Karanka, ka lëvduar mesfushorin Mesut Ozil, pas fitores ndaj Real Zaragozas në Bernabeu, duke thënë se gjermani po kthehet në formën e sezonit të kaluar.
Ozil shkëlqeu të mërkurën në Camp Nou ku i la me probleme mentale disa mbrojtës të Barcelonës, teksa forma e tij drithëruese vazhdoi edhe në sfidën ndaj Zaragozas. Kjo nuk ka mbetur pa u komplimentuar nga eprorët e pankinës madrilene.

“Ozil nuk ka qenë që një kohë në formën e sezonit të kaluar, por tani duket se ai po kthehet në atë nivel”, tha Karanka për gazetarët në një konferencë për shtyp pas ndeshjes.

Lille konfirmon, Hazard largohet

2012-01-29T18:32:00.001+01:00

Klubi francez Lille ka konfirmuar se mesfushori Eden Hazard do të largohet nga Ligue 1 me të përfunduar ky sezon.
21-vjeçari vazhdimisht është lidhur me një largim nga kampioni i Francës dhe duket se ka ardhur momenti të cilin e presim shumë klube evropiane.

“Eden do të largohet në fund të sezonit, kjo është pothuajse e sigurt”, tha drejtori Federic Paquet për Orange Sport.

Lecce ndal Interin

2012-01-29T17:05:00.001+01:00

Skuadra e promovuar në Serie A, Lecce, ka arritur të shënojë fitore me rezultat minimal 1-0 ndaj Interit në Via del Mare.
Interi e dominoi takimin në fillim dhe kishte në pjesën e parë disa raste të volitshme.

Sidoqoftë, ishte Giacomazzi ai që kaloi në epërsi Leccen pas një kundërsulmi, duke bërë Nerazzurët të vuajnë deri në fund.

Ishin dy gola të anuluar dhe dhe disa raste të volitshme të cilat zikaltrit nuk i shfrytëzuan në pjesën e dytë, e që ishin fatale për disfatën e parë pas shtatë fitoreve radhazi në Serie A.

Me këtë disfatë Interi humb vendin e katërt dhe kthehet në vendin e pestë me 35 pikë, një më pak se Lazio që shkatërroi në transfertë Chievon.

Roma ndalet në shtëpi

2012-01-29T17:03:00.002+01:00

Roma ka arritur të nxjerrë vetëm një barazim në shtëpi ndaj Bolonjës me rezultat 1-1.
Roma ishte dominuese në këtë takim nga fillimi, por nuk arriti të gjente rrugën e golit.

Sidoqoftë, në pjesën e dytë Marco Di Vaio ishte ai që kaloi në epërsi mysafirët në minutën e 57-të.

Roma mobilizohet dhe arrin që me anë të Miralem Pjanic të barazojë rezultatin në 1-1, që ishte dhe rezultati përfundimtar.

Me këtë barazim Roma ka 31 pikë në vendin e gjashtë.

Mposhtet Nadal

2012-01-29T17:01:00.001+01:00

Tenisti numër një në botë, Novak Djokovic, është fitues i Australian Open pasi ka mposhtur në një finale epike tenistin spanjoll Rafael Nadal.
Dueli i cili zgjati rreth gjashtë orë, e ka parë fitues me rezultat 3-2 serbin Novak Djokovic (5-7, 6-4, 6-2, 6-7, 7-5).

Nadal e kishte kontrollin e takimit në fund kur kishte bërë break, por më pas Djokovic u kthye për ta fituar finalen me një break tjetër i cili ishte fatal për spanjollin.

Kështu Novak Djokovic e konfirmon se momentalisht është tenisti më i mirë në botë, por as se si i pathyeshëm, pasi në French Open të gjitha indikacionet janë që Nadal të ngadhnjejë.

Ranieri kërkon qëndrimin e Mottas

2012-01-29T14:49:00.002+01:00

Trajneri i Interit, Claudio Ranieri, ka deklaruar se dëshiron ta mbajë në skuadër mesfushorin Thiago Motta.
Braziliani me pasaportë italiane është pranë kalimit te Paris Saint-Germain, megjithatë zikaltrit hezitojnë të lejojnë largimin e tij.

“Unë dua që Motta të qëndrojë, por jam i sigurt se duhen marrë edhe gjëra të tjera në konsiderim”.

“Kanë mbetur vetëm pak ditë deri në fund të afatit kalimtar, do të shohim”, ka thënë strategu italian.

Honda drejt Lazios

2012-01-29T14:48:00.001+01:00

Klubi italian, Lazio, ka arritur marrëveshje për transferimin e Keisuke Hondas nga CSKA Moska.
Sports Nippon raporton se dy klubet kanë arritur marrëveshje për transferimin 25-vjeçarit për një shumë prej 14 milionë eurosh.

Marrëveshja mes klubeve është arritur, pasi anësori japonez fillimisht kishte arritur marrëveshje personale me presidentin e Lazios, Claudio Lotito.

Ndërkaq, nënshkrimi dhe konfirmim zyrtar do të bëhet menjëherë pasi lojtari të kalojë ekzaminimet mjekësore.

Milan me ofertë të re për Tevez?

2012-01-29T14:18:00.000+01:00

Milani nuk ka hequr dorë për transferimin e sulmuesit në largim të Manchester Cityt, Carlos Tevez- raporton Corriere dello Sport.
Kampioni i Italisë në fuqi e huazoi Maxi Lopezin nga Catania, duke qenë se nuk arriti marrëveshje me Cityn për Tevez,.

Nga ana tjetër, zëvendëspresidenti i klubit, Adriano Galliani, deklaroi se negociatat do të rifillojnë në qershor, mirëpo spekulimet e freskëta pohojnë se drejtuesit e Milanit do të bëjnë edhe tentativën e fundit për ta transferuar argjentinasin gjatë këtij afati kalimtar.

Guardiola: Dhamë më të mirën

2012-01-29T12:18:00.002+01:00

Trajneri Pep Guardiola nuk e ka kritikuar skuadrën e tij për barazimin pa gola ndaj Villarrealit.
“Luajtëm shumë mirë dhe vrapuam shumë. Dua që ashtu të luftojmë për secilën pikë dhe ndaj çdo kundërshtari”.

“Pavarësisht dallimit në pikë do të luajmë dhe do të luftojmë deri në fund”, ka theksuar Guardiola.

Barcelona regjistroi barazimin e gjashtë sezonal në La Liga, ndërsa mbeti shtatë pikë prapa Real Madridit.

Mourinho largohet në verë?

2012-01-29T12:17:00.001+01:00

Trajneri i Real Madridit, Jose Mourinho, në fund të sezonit aktual do të kthehet në Ligën Premier për të drejtuar ndonjë skuadër- shkruan Sunday Times.
Dështimet në përballjet direkte me Barcelonën kanë bërë që strategu portugez të fishkëllehet nga tifozët madrilenë, ndërsa mediat britanike raportojnë se në fund të sezonit do t’i vijë fundi edhe qëndrimit të tij në Santiago Bernabeu.

“Jose është i lodhur nga situata e përgjithshme në klub. Pavarësisht nëse në fund të sezonit fiton titullin e La Ligas dhe/ose të Ligës së Kampionëve, ai gjatë verës do të kthehet në Angli. Paratë nuk janë të rëndësishme”, ka thënë një burim i afërt me Mourinhon.

Messi: Barca nuk dorëzohet kurrë

2012-01-29T12:16:00.002+01:00

Superylli i Barcelonës, Lionel Messi, ka deklaruar se katalunasit nuk do të heqin dorë nga gara për titull, përkundër hapit të gabuar që e bënë të shtunën mbrëma.
Blaugranët barazuan pa gola ndaj Villarrealit dhe kështu gjenden shtatë pikë prapa Real Madridit në tabelën e La Ligas.

“Barcelona nuk dorëzohet kurrë. Raundi i dytë i ndeshjeve sapo ka filluar, ka mbetur edhe shumë”.

“Janë edhe shumë pikë për të cilat duhet luftuar, tash duhet të fokusohemi në ndeshjen e Kupës së Mbretit (ndaj Valencias) dhe duhet të bëjmë mirë, në mënyrë që të jemi në finale”, ka deklaruar argjentinasi.

Dështojnë Lakersat

2012-01-29T12:14:00.001+01:00

Skuadrat vendase ishin mjaft të suksesshme në përballjet e të shtunës në ligën më të fortë të basketbollit në botë- NBA. Nga gjashtë takimet e zhvilluara, nikoqirët i fituan pesë prej tyre.
Në përballjen më interesante që u zhvillua në Bradley Center, Milwaukee Bucks festuan përballë Los Angeles Lakers me rezultat 100-89. Më i miri te mysafirët ishte Kobe Bryant (27 pikë, nëntë asistime dhe tetë kërcime), i cili theu rekordin e Jerry West me numrin e gjuajtjeve të lira të shënuara.

Philadelphia 76ers fituan përballë Detroit Pistons (95-74), ndërsa Andre Iguodala në ditëlindjen e tij të 28-të regjistroi ‘triple-double’ për të tetën herë në karrierë.

Utah Jazz shënoi fitoren e 11- të të sezonit duke mposhtur Sacramento Kings (96-93), Phoenix Suns ndërprenë serinë prej tri humbjesh radhazi duke fituar në dëm të Memphis Grizzlies (86-84), Houston Rockets fituan ndaj New York Knicks (97-84), ndërsa skuadra e vetme që fitoi si mysafir ishte Washington Wizards që mposhti Charlotte Bobcats (102-99).

Barzagli: Të mos vetëkënaqemi

2012-01-29T12:13:00.002+01:00

Mbrojtësi i Juventusit, Andrea Barzagli, ka kërkuar nga skuadra e tij që të mbajë fokusin deri në fund të sezonit.
Bianconerët fituan në një ndeshje të vështirë ndaj Udineses dhe janë në rrugë të mirë drejt titullit, mirëpo mbrojtësi bardhezi thotë se ata nuk duhet të vetëkënaqen.

“Ishte një ndeshje e vështirë, por në fund ne arritëm të fitojmë”.

“Është një fitore e rëndësishme kundër një skuadre që lufton për titull, por ne ende nuk kemi arritur asgjë, prandaj duhet të qëndrojmë të fokusuar”, citon Sky Sport Italia fjalët e Barzaglit.